அகவை ஒன்று கடக்கும் மதியோடை (நன்றி உறவுகளே)

வணக்கம் உறவுகளே...

                 இன்று ஒரு சந்தோசமான நாளில் தங்கள் திரைகளில் மதியோடை பாய்கிறது. பெரிதாக ஒன்றுமில்லைங்கோ. ம.தி.சுதா என்ற ஒரு முகவரி தொலைத்த மனிதனுக்கு பல உறவைத் தேடித்தந்த மதியோடை தளம் தனது ஒரு அகவையை நிறைவு செய்கிறது.

இன்று இரவு அனுமதி இலவசம் ஹ...ஹ.. ஹி.. ஹி.. வருக வருக

           
சென்ற வருடம் புளாக்கர் தொடங்கணும் என்ற வெறியில் முகாமிலிருந்து மீண்டாலும் தமிழ் தட்டச்சோ, யுனிகோட் என்றால் என்னவென்றோ தெரியாத நிலையில் வெற்றியின் விடியலில் இன்று உலக பதிவர் தினம் என லோசண்ணா சொன்னதைக் கேட்டு நடப்பது நடக்கட்டும் என திறந்தது தான் இந்த மதியோடை (அவர் 14 ம் திகதி தான் சொன்னார் அனால் ஆரமபத்தில் எனத தளம் அமெரிக்க நேரத்தை காட்டியதால் 15 என தரவேற்றம் நடந்து விட்டது) ஆரம்பத்தில் தலைப்பு இட வேண்டிய இடத்தில் உப தலைப்பை இட்டதால் நனைவோமா ? என தெரிந்தது.

         

         நான் முன்னரும் குறிப்பிட்டேன் தமிழ் யுனிகோட் தட்டச்சு தெரியாததால் எனது முதல் பதிவை (என் முதல் பதிவு - அம்மா மகேஸ் தில்லையம்பலத்திற்கு....) குருஜீ தேடு போறியில் மவுஸ் கொண்டு சொடுக்கியே பெற்றேன். ஏண்டா உனக்கு உதவ யாரும் வரலியா என கேட்காதிங்கோ காரணம் பத்திரிகையில் எழுதும் ஒரு ஐரி பதிவரிடம் கேட்டேன் அவர் செருப்பால் அடித்தது மாதிரி செய்து விட்டார் அந்த ரோசம் தான் என்னை இந்தளவு உயர்த்தியதற்கும் ஒரு காரணம் (தனி பதிவில் அந்த சோகக் கதையை பகிருகிறேன்).

இது வரை மதியோடையில்

பதிவுகள் 109

கருத்துரைகள் (என்னுடையது தவிர்ந்த) 4217 

பார்க்கப்பட்ட தடவை154,000 (சராசரி ஒரு இடுகைக்கு 1412.84 பார்வையாளர்)

பார்த்தவர் நாடுகள் எண்ணிக்கை 114

பின்தொடர்பவர் 341

          எப்போதும் சொல்வதையே இப்போதும் சொல்கிறேன் நான் பொழுது போக்கிற்காக பதிவுலகம் வரவில்லை. பல பெரிய திட்டங்கள், ஆசைகளுடன் தான் நுழைந்தேன். என்னடா இப்படிச் சொல்லுறானே என நினைக்காதீர்கள் இந்த உலகத்தில் இருந்து போரையும் மற்றும் போதை பொருளையும் இல்லாதொழிக்கவே என் எழுத்துக்களை பிரசவிக்க நினைத்தேன். அதனால் பல எதிர்ப்புகள் தேசத் துரோகி என்று புலம் பெயர்ந்தவர் சிலர் கொடுத்த பட்டங்களும் கூட...... எனக்கு அது பொருட்டல்ல காரணம் என் பின்னே பல புலம் பெயர்ந்தவர் திரண்டிருக்கிறார்கள் அந்த ஒரு வெற்றி போதும் எனக்கு.

        போரை ஆதரிப்போரை என்றும் எதிர்க்க தயங்கமாட்டேன். இந்த ஒரு வருடத்தில் எனக்கு கிடைத்த ஆதரவு அதிசயிக்க வைத்தது. ஜனா அண்ணா தனது பதிவொன்றில் குறிப்பிட்டது போல பதிவுலக விண்ணாணங்கள் , வீண் குரோதங்கள் எதிலும் சாராத ஒரு மனிதன் என குறிப்பிட்டிருந்தார். உண்மைதான் நான் நண்பர்களையே விரும்புகிறேன். காரணம் இந்த பதிவுலகில் எனது நோக்கம் பேர், புகழ், சுய கௌரவம், ரோசம் எல்லாவற்றையும் கடந்து வாழ நினைக்கிறேன் மொத்தத்தில் எனது நோக்கமெல்லாம் சமூக சேவை மட்டுமே என்னை போல என் அடுத்த சந்ததி நடு விதியில் நிற்கக் கூடாது நானோ அல்லது எனது குடும்பமோ அறிந்தோ அறியமலோ இந்த சமூகத்திற்கு ஏதாவது பாவம் இழைத்திருந்தால் என் வாழ்க்கைக் காலத்திற்குள்ளாகவே கழுவி விட்டுப் போக நினைக்கிறேன்.

மாகாதேவன் அண்ணா பகிர்ந்த தேரேசா கதையொன்று...

அன்னை தெரசா ஒருமுறை ஏழை எளியவர்களுக்காக நிதி வசூல் செய்ய ஒரு செல்வந்தரிடம் சென்றிருந்தார். அங்கே சென்று அவரை வணங்கி தாம் வந்திருப்பதன் நோக்கம் சொல்லி வலது கையை காட்டி ஏதேனும் தாருங்கள் என்றார். அவருக்கு தகுந்த மரியாதை கொடுக்காமல் கடுஞ்சொல் பேசிய அந்த செல்வந்தன் காறி எச்சிலை துப்பினான் அவரின் வலக்கை மீது.
உடனே கொஞ்சமும் சினம் கொள்ளாமல் சிரித்துக் கொண்டே சொன்னார் அன்னை, "செல்வந்தரே, சற்றுமுன் தாங்கள் என் வலக்கையில் கொடுத்ததை நான் எனக்காக வைத்துக் கொண்டேன். அந்த ஏழைகளுக்காக என் இடக்கையிலும் ஏதேனும் தாருங்கள்" என்றார் பொறுமையாக.
உடனே மனம் திருந்திய செல்வந்தன் பிறகு பணம் கொடுத்து அனுப்பினான். 

இந்த சந்தோசமான நாளில் ஒரு அறிவிப்பையும் விடுக்கிறேன் இனி வரும் காலத்தில் எனது வழமையான பாணியிலமைந்த பதிவுகள் வருமாக இருந்தாலும் இன்னுமொரு சமூக சேவைக்கான புதிய அத்தியாயத்தை ஆரம்பிக்கிறேன் இதில் எள்ளவும் அரசியலோ பணமோ சாராத ஒரு சேவை. இதில் இணையும் படி யாரையும் நான் வற்புறுத்தப் போவதில்லை ஆனால் அதை படிக்கும் நீங்கள் மனித நேயம் கொண்டவராக இருந்தால் இத்திட்டத்திற்கு கை கோர்ப்பிர்கள் என்பது தெரியும்.

      நான் விடை பெறும் முன் இந்த பதிவுலகத்தில் இத்தனைக்கும் ஆரம்பத்தில் இருந்து எனக்கு உறுதுணையாக நின்றவர்களில் எனக்கு பல அறிவுரைகள் தந்த ஜனா அண்ணா, எப்பூடி ஜீவதர்சன் மற்றும் சுபாங்கன், இந்த பதிவுலகில் ஒரு ஜனரஞ்சக சமூக பதிவாளனாக என்னை அறிமுகம் செய்த சீபி செந்தில் குமார், நான் மனவேதனையாக இருந்த காலங்களிலும் எனக்கு அடிக்கடி ஆறுதல் சொன்ன சித்திராக்கா, என் வளர்ச்சிக்கு உறுதுணையாக நின்ற யாதவண்ணா, மாகாதேவன் அண்ணா , ஓட்டை வடை ரஜீவன்

     இந்த மதியோடையின் உயிரோட்டத்திற்கு காரணமான நிருபன்... அத்துடன் என்னோடு உழைக்கும் என் ஆருயிர் உறவுகள்.

 எல்லோரையும் விட மிக முக்கியமாக எனது இந்தளவு வளர்ச்சிக்கும் (பதிவுலகம் தவிர்ந்ததும் சேர்த்து) காரணமாக என் ஆருயிர் நண்பன் ஜீவன் இம்மானுவேலுக்கும் என்றும் நான் நன்றி சொல்லக் கடமைப்பட்டவனாகிறேன்.

      மீண்டும் 18 ம் திகதி என் புதிய அத்தியாயத்துடன் சந்திக்கிறேன் உறவுகளே..