நான் ஏன் பதிவெழுத வந்தேன் (தொடர் பதிவு)

                நான் அடிக்கடி சொல்லும் வசனம் இது தான் முந்த நாள் பெய்த மழையில் நேற்று முளைத்த காளான் நான் பதிவுலகில் இது வரை எதையுமே நான் சாதிக்கவில்லை ஆனால் இத்தனை உறவுகள் எப்படிக் கிடைத்தன என்பது எனக்கே அதிசயமான விடயமாகும். என்னை இத் தொடர் பதிவுக்கு நல்ல நேரம் சதீஸ் அண்ணா அழைத்திருக்கிறார் அவரது வேண்டுகோளை ஏற்றுத் தொடர்கிறேன்.

            நான் பதிவுலகிற்கு வந்து இன்றுடன் 212 நாள் ஆகிறது நான் இங்கு எப்படி வந்தன் என்று சொல்வதே நல்லது என நினைக்கிறேன் தடுப்பு முகாமில் இருந்த காலத்தில் குறிப்பிட்ட ஒரு பத்திரிகைக்கே அனுமதி இருந்த நேரம் நல்ல மனம் கொண்ட எமது ராணுவ அதிகாரியால் (கருணாநாயக்க) தினக்குரல் பத்திரிகை கிடைக்கும் அதில் உள்ள யாழ்தேவி இணையத்தால் இணைய அறிமுகப்பகுதிதான் அப்பப்போ பத்திரிகைக்கு கிறுக்கிக் கொண்டிருந்த என்னை இப்படியான ஒரு ஆர்வத்தை இட்டுத் தந்தது.

             வெளியே வந்த போது தட்டச்சே எனக்கு தெரியாது (இப்போதும் சரியாகத் தெரியாது தான்) ஒரு வலைப்பூவை எப்படித் திறப்பது என திண்டாடிக் கொண்டிருந்தேன் சரி என்ன வந்தது ஒன்றை திறந்து பார்ப்போம் எனத் திறந்து விட்டு சாதாரண பாமினி எழுத்துருவில் அடித்து போட்டேன் எல்லாம் ஆங்கில எழுத்தாகவே இருந்தது இது என்ன புது குழப்பமடா என நினைத்து விட்டு குருஜீ பற்றி என் நண்பன் சொன்னான் அங்கே கூகுல் தேடல் பொறியில் உள்ளது போல் தமிழ் தட்டச்சு இருக்கிறது அதைக் கொண்டு ஒரு கவியை சொடுக்கிப் பெற்று அதை கட் பண்ணிக் கொண்டு வந்து இட்டது தான் எனது முதல் பதிவாகும் என் முதல் பதிவு - அம்மா மகேஸ் தில்லையம்பலத்திற்கு...

அதற்கு எனது நெருங்கிய உறவுக்காரரான லிங்கம் அவர்கள் எனக்கு முதலாவது பாராட்டை தந்திருந்தார். இப்போது NHM WRITTER பெரிதம் உதவியாக இருக்கிறது.

        முற் கொடுப்பனவு இணைய இணைப்பால் சோறு வித்த எனது பதிவுகளை யாரும் வாங்க வராததால் நாறிப் புளித்தது அத்தனையையும் துலாவி எடுத்தேன் மீண்டும் சூடாக்கிக் கொடுக்கிறேன்.. அதன் பின் முதல் முதல் என்னை எப்படியோ அடையாளம் கண்டது பதிவர் ஜனாவாகும் அடுத்ததாக எப்பூடி ஜீவதர்சன் வந்து பல சந்தேகங்களைத் தீர்த்தார்.

            அதன் பின்னர் தான் எனது நெருங்கிய சகோதரனாக மாறிவிட்ட அட்ராசக்க சீபி செந்தில்குமார் எனைக் கண்டு கொண்டார் இன்று இந்தளவு உறவுகள் எனை அடையாளம் கண்டு கொண்டதற்கு பிரதான காரணம் அவரது பதிவுகளில் எனக்கு வழங்கும் பாராட்டுகள் தான் எனக்கே தெரியாத ஒன்றான சமூகப் பதிவாளர் என்ற முத்திரையை குற்றினார். (எனது பேய்பால் கணக்கிலக்கம் அவரிடம் தான் இருக்கிறது என்றால் பாருங்களேன்.. மாப்பு இரவைக்கு ஆட்டோ வரப் போகுது தயாராயிரு)

       அதன் பின் ஒரு நாள் எனது மூஞ்சிப்புத்தக சகோதரி ஒருவரான ரோஜாக்கள் பிரசாந்தி அருள்தாசனிடம் இருந்து இப்படி ஒரு மடல் வந்தது 

“தம்பி உங்கள் பதிவுகள் அருமையாக உள்ளது நல்லதொரு எதிர்காலம் உங்களுக்கு இருக்கிறது அத்துடன் உங்கள் டெம்பிளெட்டை வடிவாக மாற்றலாமே உதவி செய்யவா”

இப்போதுள்ள தள டெம்பிளெட்டை அவர் தான் இட்டுத் தந்தார் இப்போ அவர் எனது உடன் பிறந்த அக்காவாகவே மாறிவிட்டார். அதே போல் இந்த பதிவுலகமானது ஒரு ரசிகையை பெற்றுத் தந்து இன்னுமொரு சகோதரியாக்கியுமுள்ளது அவரை பலருக்கு தெரிந்திருக்காது அவர் பெயர் சுஜா என்பதாகும்.

         என் எழுத்துக்கள் எப்போதும் போருக்கெதிரானவையாகவே இருக்கும் அதைத் தூண்டும் வகையில் யார் கதைத்தாலும் (என் தந்தையார் உட்பட) என் கேள்விகளுக்கு பதில் சொல்ல வேண்டியிருக்கும் அது சிவாஜிலிங்கத்திலிருந்து சீமான் வரை தொடரும். இந்த இடத்தில் எனக்கு கருத்திட்டும் வாக்கிட்டும் உற்சாகப்படுத்தும் அத்தனை சொந்தங்களுக்கும் எனது இதயபூர்வமான நன்றிகள் உரித்தாகட்டும் முக்கியமாக எனது எழுத்துக்களை ஊக்குவித்தும் பல ஆலோசனைகளையும் தந்து கொண்டிருக்கும் திரு ஜீவன் அவர்களுக்கு எனது பெரும் நன்றிகள்...

            பல சொல்ல ஆசையாக இருந்தாலும் என் விரல்களின் வலியால் (தொழில் ரீதியான) முடியவில்லை மன்னியுங்கள்..

இதில் யாரையாவது கோர்த்து விட்டால் நல்லாயிருக்குமே

1. ஜீவதர்சன் - ஆளிடம் பல விசயமிருக்கிறது அனால் அதை விட புத்தி சாதுரியமும் தன்னடக்கமும் அதிகமாய் இருக்கிறது

2. டிலீப் - இலங்கைப் பதிவுலகில் ஒரு உச்சத்தை நோக்கி நகரும் பதிவர் 500 பதிவை கடந்து விட்டார்.

3. யாதவன் - கவிக் கிழவனென்று சொல்லிக் கொண்டு குமர்ப் பொடியளுக்கான கவி வடிக்கும் ஒருவர் என்னில் மிகுந்த உரிமை எடுத்துக்கொள்ளும் ஒருவர்.
4. மகாதேவன் VK - ஆளு நம்மில பயங்கர பாசம் எழுத நேரமின்மை இருந்தாலும் எனக்கு வாக்குப் போடுவதே அவருக்கு முக்கிய வேலை. தொழில் நுட்பம் அறிவியல் என பிச்சு உதறுவாரு..