ஒரே சொல் எதிர்மாறான அர்த்தம்...!!!!

                                 கால் வாருதல் என்ற சொல்லின் தமிழ் அர்த்தத்தை பார்த்தால் துரோகம் தான். ஏனெனில் ஒருவரின் காலை வாரி விட்டு அவரை வீழ்த்துவது எம்மவரில் பலருக்கு கைவந்த கலை. இது ஆண்டாண்டு காலமாக தமிழனின் வரலாற்றுப் பதையில் பரீட்சையமான சொல் ஒன்று ஆனால் அவர்களுக்கு நரகத்திலும் இடம் கிடைக்காது.

                                   மேற்கத்தைய இடங்களில் இச்செயல் செய்பவருக்கு நிச்சயம் சொர்க்கம் கிடைக்கும் என்று சொல்வார்கள். அப்படி அங்கு என்னதான் வித்தியாசப்படுகிறது என்று பார்த்தால். இரு இடங்களிலும் நடைபெறும் செயற்பாடுகள் தான் காரணம். இங்கு நடப்பவை பற்றி நான் கூறித்தான் நீங்கள் அறிய வேண்டும் என்பதில்லை.

 அங்கு நடப்பது என்னவென்றால். கௌபாய் திரைப்படங்களில் தூக்கில் போடுவதை பார்த்திருப்பிர்கள். இல்லாவிடில் இரும்புக்கோட்டை முரட்டு சிங்கம் படத்திலாவது பார்த்திருப்பிர்கள். அப்போது தூக்கில் போடப்பட்ட நபர் துடிதுடித்து இறப்பார். மேற்கத்தைய முறையில் துடிதுடிப்பதை பார்க்கமுடியாத தோழன் ஓடி வந்து அவன் காலை இழுத்து வாரிவிட்டு அவன் சிரமமின்றி இறப்பதற்கு உதவுவான். இதற்கு அனுமதியுமுண்டு. இதைத்தான் ஆங்கிலத்தில் காலை வாருதல் என்று சொல்வார்கள். அங்கு இதை ஒரு புனித வசனமாகவே கருதுகிறார்கள்.

                        தற்செயலாக உங்களது மேற்கத்தைய நண்பர் யாரவது ”நான் உனக்கு காலை வாரிவிடக் கூடிய நண்பனாக இருப்பேன்” என்றால் தவறாக எண்ணி விடாதீர்கள். அதற்காக எம் ஊர் நண்பன் வெளிநாட்டில் நின்று சொன்னாலும் கவனமாக இருங்கள்..

                           இப்போது எல்லாம் விளங்கியிருக்குமே. விளங்கினால் அடுத்த்து என்ன ஓட்டுத் தான் குறைந்த பட்சம் சிரமமில்லாமல் தமிழ் மணத்திலாவது சொடுக்கி விட்டப் போங்கள்..

காத்திருங்கள் விரைவில் என் 50 வது பதிவை முன்னிட்டு ஒரு சர்ச்சைக்குரிய பதிவு சகல அதாரத்துடனும்... இலங்கை கதை திருடி படமெடுத்த ஒரு இயக்குனர் பற்றி..