என் சிங்கக்குட்டி சீறி வந்த நாளும் என் மீள் வருகையும்.

                  என் விரல்கள் மூன்று வாரகால இடைவெளியின் பின் பதிவொன்றுக்காய் நீள்கிறது அதற்கு காரணமானவன் எனது மருமகன் சிவசங்கர் தான் காரணம் நேற்று (07.02.2011)அவனுடைய பிறந்தநாளாகும். இது வரை நான் இப்படி ஒரு வாழ்த்துப் பதிவு போட்டதே இல்லை இருந்தாலும் அக்காவுக்காக போட்டே ஆகணும் காரணம் நான் கல்வியிலோ அல்லது சமூகத்திலோ இவ்வளவு வளர்ந்ததற்கு பெரும்பான்மையான காரணம் அவர் தான் ஆனால் அவர் பிள்ளைக்கு என்னால் அந்தளவு செய்ய முடியவில்லை இருந்தாலும் அவனுள் இருக்கும் அந்த ஓர்மத்தை எப்போதும் குறைய விடாமல் பார்ப்பதற்கு இந்தப் பதிவு ஒரு பத்து ஆண்டுகள் கழித்து அவனுக்கு உதவலாம் அது நான் எனது அக்காவிற்கு கொடுக்கும் குரு தட்சனையாகவும் இருக்குமல்லவா ?

             அவனை பற்றி சொல்ல வெளிக்கிட்டால் பல பதிவு தேவைப்படும். இருந்தாலும் அவர் பலரை பிரமிக்க வைத்த ஒரு விடயத்தை இறுதியில் பகிர்கிறேன். சொல்லுக் கேட்கும் பழக்கம் தாராளமாகவே இருக்கும் காரணம் ஒன்றரை வயதிலேயே காது கொடுத்து கேட்காத அளவுக்கு தூஷணம் பேசுவான் (அக்காவிடம் படிக்க வரும் மாணவர்களின் கற்பித்தலால்) ஆனால் அப்போதே அது கூடாதென சொன்னவுடன் உடனேயே நிறுத்தி விட்டான். 

             அவனுக்கு வாகனங்கள் மேல் எப்போதும் ஒரு தனிப்பிரியம் அது எனக்குப் பிடிப்பதில்லை ஆனால் கண்டிப்பதில்லை காரணம் உளவியல் ரீதியில் அது தப்பு தானாக மாறிக் கொள்ளட்டும்.

        அவனுடைய ஓர்மம் பற்றி இப்போதே சொல்ல வேண்டும் என்றெனல்லவா கேளுங்கள் அவன் போன வருடம் ஆண்டு ஒன்றில் கல்விகற்றான். இங்கு பள்ளிக் காலம் மூன்று தவணைகளாகப் பிரிக்கப்பட்டிருக்கும். முதல் தவணை முடிந்தவுடன் போய் என்னை வகுப்பறை தலைவன் ஆக்குங்கள் எனக் கேட்டிருக்கிறான். அவன் வன்னியால் வந்த புதிது பெரிதாக அறிமுகம் இல்லாததால் அவனை ஏதோ சாக்கு சொல்லி ஆசிரியர் கடத்தி விட்டார். அக்காவும் ஒரு ஆசிரியர் என்ற படியால் இவரிடம் வந்து கேட்டிருக்கிறான் இவரும் தான் தலையிடக் கூடாது என்பதற்காக சாக்குப் போக்கு சொல்லி விட்டார்.

        இரண்டாம் தவணை முடிந்தவுடனும் போய் கேட்டிருக்கிறான் அதற்கு ஆசிரியர் நீ முதலாம் பிள்ளையாய் வா பார்ப்போம் என்றிருக்கிறார். இறுதித் தவணை பரீட்சை முடிந்தவுடன் தான் அவன் இதற்கு எந்தளவு ஆசைப்பட்டான் என தெரிந்தது அவனது சராசரி 98.2 எல்லோரும் மூக்கின் மேல் விரல் வைத்தார்கள் காரணம் இரண்டாம் இடம் வந்தவனுக்கு 92 சராசரி கிடைத்திருந்தது. அதுமட்டுமல்ல 6 பாடங்களில் இவன் தான் முதன்மைப் புள்ளியையும் பெற்றிருக்கிறான். அவனது தேர்ச்சி அறிக்கையின் படம் மேலே உள்ளது..

 அவனை வாழ்த்த ஒரு நாள் பிந்திவிட்டாலும் அவனுக்கு என்றும் இறைவன் ஆசிகள் இருக்கட்டும்.

குறிப்பு - ஏதோ ஒரு மாதிரி மீண்டும் நுழைந்தாச்சு.. ஆனால் ஒரு சின்ன வருத்தம் சிறிது காலத்திற்கு வாரம் ஒரு பதிவுகளுக்கு மேல் போட முடியாத சூழ்நிலை இரண்டு தரம் தான் உறவுகளின் தளங்களுக்கு கருத்திட முடியும்... தயவுசெய்து சூழ்நிலையை புரிந்து எம் உறவை தொடருவீர்கள் என நினைக்கிறேன்.