இந்தியாவிலும் தமிழர் சிறுபான்மையினரா..??

                என்ன கேள்வியைப் பார்க்க குழப்பமாயிருக்கிறதா..?? என்ன செய்வது கேட்க வைத்துவிட்டார்களே காரணம் இன்று இடம் பெற்ற மீனவர்களின் பேச்சு வார்த்தையாகும்.

              இன்று இந்தியா மற்றும் இலங்கை மீனவர்களிடையே மீன்பிடி சம்பந்தமான பேச்சு வார்த்தை ஒன்று இடம் பெற்றது இதில் இந்திய மீனவர் சார்பாக தேவதாசும் இலங்கை மீனவர் சார்பாக தவரட்ணமும் கலந்து கொண்டார்கள். இதில் தேவதாசால் வாரத்தில் 2 நாட்களாவது சுதந்திரமாக மீன்பிடிக்க அனுமதி கேட்கப்பட்டது அனால் தவரட்ணம் இதற்கு சம்மதிக்கவில்லை. அவர் சொன்ன காரணம் இந்திய மீனவர்கள் இழுவைப் படகுகளால் மீன் பிடித்து கடல் வளத்தை சீர் குலைக்கின்றனர் என்பதாகும். அனால் 1974 ல் ஏற்படத்தப்பட்ட ஒரு ஒப்பந்தத்தில் இரு சாராரும் சேர்ந்து மீன் பிடிக்கலாம் என்ற ஒரு பரஸ்பர ஒப்பந்தம் மேற்கொள்ளப்பட்டது.

         எனக்கு விபரம் தெரிந்த நாள் முதல் இது ஒரு பெரிய பிரச்சனையாகவே இருக்கிறது இதுவரை எத்தனை இந்திய மீனவர்கள் சூட்டுக்கிலக்காகியிருப்பார்கள். மத்திய அரசாங்கம் ஏன் கண் மூடியிருக்கிறது. இலங்கைத் தலைவர்கள் வந்தால் கொண்டாட்டமாக விழா எடுக்கும் அவர்களுக்கு இது தெரியாதா. சரி அவர்களிருக்கட்டும் தமிழ் நாட்டிற்கு ஒரு அரசு இருக்கிறதா என எனக்கு சிறு சந்தேகம் இருக்கிறது கலைஞர் ஐயா கலையையும் அரசியலையும் ஒன்றாக்கி தன் கவிதையை தானே கொன்று கொண்டிரப்பவருக்கு மற்றவர் சாவது எங்கே தெரியப் போகிறது (எதை இவன் சொல்கிறான் என நினைக்கிறிர்களா..?? அருமையான கவி வரிகளை கலைஞர் தொலை காட்சியில் செய்தியில் வாசிக்க கொ(கெ)டுப்பார். வலைத் தளத்தில் ஒருவன் ஒரு பதிவு பலரை சேர்வதற்காய் தலைப்பைக் கொஞ்சம் வித்தியாசமாக இட்டால் கொதிக்கும் சக பதிவர்களுக்கு கலைஞர் ஹிட் வாங்குவதற்காக செய்யும் இந்த கூத்தை தட்டிக் கேட்க திரணியிருக்காது)

         சரி விசயத்திற்க வருவோம் இதற்கு கலைஞரால் ஏன் தகுந்த நடவடிக்கை எடுக்க முடியாது. அடுத்த தேர்தலுக்க பிரச்சாரக் கருவியாக இதைப் பயன்படுத்த போகிறாரா..??

           எனது ஒரு சிறு கருத்து கலைஞரும் அவர் வாரிசுக்களும் எந்த மாட்டைப் பிடித்தால் முட்டாமல் பால் கறக்கலாம் என நன்கறிந்தவர்கள்.. கறக்கட்டும் அதன் கன்று வளர்ந்த முட்ட வரும் போது தான் அனுபவிப்பார்கள்.

       ஈழத்தில் பிறந்த குற்றத்திற்காக நாம் அவர்கள் கைகளால் இறந்தோம் அதற்கு காரணமிருக்கிறது. இந்தியாவில் பிறந்த ஒரு மீன்பிடிக்காரன் ஏன் அநியாயமாய் இறக்கணும். (இதே இடத்தில் ஒரு கேரளக்காரனோ, ஆந்திரக்காரனோ இறந்தால் எப்படியிருக்கும்)

       மொத்தத்தில் எனக்கு தெரிந்த ஒரு பழமொழியுடன் விடைபெறுகிறேன்.. எள்ளுக் காய்வது எண்ணெய்க்காய் எலிப் பிழுக்கை காய்வதேன் அது தாங்க கூட இருந்த குற்றத்திற்கு

குறிப்பு – கருத்துக்கள் தணிக்கைக்குட்பட்டவையே பிரசுரிக்கப்படும். அத்துடன் இந்த ஆக்கத்தை அனுமதியின்றி பாவிப்பவர்கள் திருடர்களாகவே கருதப்படுவர். அப்புறம் எனது நண்பன் தந்தான் அல்லது எனது செய்தியாளர் தந்தான் பிரசுரித்தேன் என்றெல்லாம் கதைவிடக் கூடாது இன்று முதலாவது தங்களுக்கு வரும் தகவலை ஒரு முறை கூகுல் செர்ஜ்ஜில் போட்டுப் பார்த்துவிட்டுப் போடவும்.