எந்திரனை பப்படமாக்கும் சண் ரிவி விளம்பரம்....

                                     மனித மனத்தில் பொதுவாக ஒரு குணம் இருக்கிறது. ஒன்றில் எதிர்பார்ப்ப கூடக் கூட அதில் உள்ள தரத்தையும் அதிகமாக கற்பனை செய்து அதிகமாக எதிர்பார்ப்போம்.

                                கடைசியில் அந்த விடயத்தை அடையும் போது “அட கழுதை இது தான” என்போம். உண்மையில் அந்த விசயம் தரமானதாகத்தான் இருக்கும் அனால் அதை இவனால் ஏற்றுக் கொள்ள முடியாமல் இருக்கும்.இது தான் சில பெண் பார்க்கும் இடத்தில் நடந்து மாப்பிள்ளை தலை தெறிக்க ஓடிய கதையும் கேள்விப்பட்டிரப்பீர்கள்.

                                      
இப்படி பல படங்கள் நல்ல விடயம் இருந்தும் பலத்த அடிவாங்கியது தெரியும். இளைஞருக்காக சங்கர் எடுத்த போய்ஸ் படமே பெரும் உதாரணம். அதில் இளைஞருக்க பல நல்ல விடயம் சொல்லியிருந்தார் ஆனால் அது தோற்க முக்கிய காரணம் அதிக எதிர்பார்ப்பு தான் காரணம்.

                                        இதே நிலையை தான் சண் குழுமம் எந்திரனுக்கு ஏற்படுத்தப் போகிறது. ஒரு படத்திற்கு இவ்வளவு பில்டப் கொடுத்தால் எதிர்பார்ப்புத்தான் கூடும். (மன்னிக்கணும் சண் தன் வியாபாரத்துக்கத்தான் இம்புட்டும் செய்யுது என்பது நான் சொல்லித்தான் உங்களுக்கு தெரியணும்ணு இல்ல) சுயாதாவின் கதையை பிடிக்காதவர் யாருமே இருக்க முடியாது அந்தளவுக்கு மனிதர் பலர் மனதினுள் புகுந்தவர். கடைசியில் அவர் கதையையும் நாசமாக்கப் போகிறார்கள்.

                                         அத்துடன் ரஜனி ஐயா இதுவரை தான் இருந்த வட்டத்திற்கு வெளியே வந்து தன் அபிமான இயக்குனர்களைக் கைவிட்டு தமிழ் சினிமாவில் பெரிய மாற்றம் கொண்டுவருவதற்காகத்தான் சங்கருடன் கைகோர்த்து இக்கதையை தேர்ந்தெடுத்திருக்கிறார்.

                                        எல்லாவற்றிலும் முக்கியமாக ஒருவிடயம் ஒரு சாதரண முதலீட்டுப்படம் பெறப்போகும் வருமானத்தை விட இப்போதே சண் பல மடங்கு அதிகமாக வருமானம் வெற்று விட்டது. குறிப்பாக இசைத்தட்டு வெளியீடு. இப்படி இன்னும் எத்தனை வருமான வழி இருக்கோ தெரியல.

                                  சண் விளம்பரம் ஒன்றை பாருங்களேன் “ வரும் ஞாயிறு உங்கள் சண் ரீவியில் எந்திரனின் புதிய பரிமாணம் ஒளிப்பதிவாளர் கமரா துடைப்பது.... இசைத்தட்டை பையில் போடுவது.... எடுபிடிகள் கூல்ரிங்ஸ் தயாரிப்பது..... ஆடிக்காற்றில் நடிகருக்கு குடை பிடிப்பது போன்ற விசேட காட்சிகள் காணத்தவறாதீர்கள்...... விளம்பர அனுசரணை ........” என ஒரு ஒரு கோடி லாபம் தரக் கூடிய விளம்பரங்கள்.... காத்திருங்கள்.

(ரஜனி சார் அதுக்குள்ள படத்தை வெளியிடச் சொல்லி சங்கருக்கு சொல்லுங்களேன்)