கருத்தடை முறை உருவான கதை - contraception

              இது சரியானது என்றும் இல்லை பிழையானது என்றும் ஒருவாதம் இருந்து கொண்டே இருக்கிறது கால ஓட்டத்தில் இது தப்பில்லை என்னும் அளவிற்கு மாறியிருக்கிறது.

             பெண்கருத்தடை முறையில் சில சட்டரீதியாகவும் பல சட்டரீதியற்றதாகவும் இருக்கும் நிலையில் இன்று நான் எடுத்து விளக்கப்போவது சட்டரீதியான முறை ஒன்றைப் பறியதாகும்.

              கதை கீழே உள்ளது அதற்கு முன் விடயத்தை சொல்லிப் போகிறேன். இதற்கு T வடிவ லூப் பயன்படத்தப்படுகிறது இது intrauterine devices எனப்படும். இது T வடிவம் எனப் பொதுவாகச் சொன்னாலும் இதிலும் சில வடிவமாற்றங்கள் இருக்கிறது. இதன் செயற்பாடு என்னவென்றால் கருப்பையின் உட்சுவர்களில் தொடுகையை எற்படுத்துவதன் மூலம் அங்கே கருத் தங்கலை தடுக்கிறது. விந்தும் சூலும் சேர்ந்து கருக்கட்டப்பட்டபின் அக்கருவானது கருப்பையின் உட் சுவரான endometrium ல் பதிக்கப்படும். அனால் உட்சுவரில் ஏதாவது வேற்றுப் பொருட்கள் (foreign body) இருக்குமானால் கருப்பை அங்கே கருவளர அனுமதிக்காது.

              இதில் இன்னுமொரு விடயம் என்னவென்றால் லூப் ன் இந்த இரு அந்தங்களும் சூல் வெளிவரும் வாசலான பாலோப்பியன் குழாயை (fallopian tube) அடைப்பதே காரணம் எனச் சொல்லிக் கொள்கிறார்கள். ஆனால் அங்கே ஏற்படும் தொடுகை தான் காரணமாகும் என்பதற்கு இதன் ஆரம்ப வரலாறே தீர்க்க சான்றாகும்.

கதை

         முன்னைய காலங்களில் பாரசிக நாடுகளில் பொதிகளை சுமப்பதற்கு கழுதைகளைப் பயன்படுத்தவார்கள். அவை பல நீரே இல்லாத (நானில்லைங்க தண்ணீர்) சிரமமான இடங்களுக்குச் செல்ல வேண்டியிருக்கும் அவை தம்முள் உறவு கொள்வதால் அடையும் கர்ப்பத்தால் அதை தொழில் ரீதியாக பயன்படுத்துவது சாதகமானதாக இருக்கவில்லை. அதனால் என்ன செய்தார்கள் தெரியுமா கூழாங்கற்களை எடுத்து அவற்றை வடிவாக அவித்தார்கள் பின் அதனை கிருமி நீக்கம் (sterilization) செய்து அந்த கற்களை பெண் உறுப்பு வழியாக (vagina) கருப்பையினுள் (uterus) செலுத்தினார்கள். என்ன அதிர்ச்சியாக இருக்கிறதா எத்தனை கழுதைகள் விசக்காய்ச்சலால் (septic) இறந்தனவோ தெரியல.

       நீங்கள் பயப்பட வேண்டாம் மனிதன் இதனை தனக்கு சாதகமானதாக மாற்றிவிட்டான். இதை உட்செலுத்தவது கூட பெரிய வலியான விடயமில்லை. மாதவிடாய் முடிவுற்ற நாளில் தான் இதை உட்செலுத்த இலகுவானதாய் இருக்கும் காரணம் கருப்பை கழுத்த சற்று விரிந்திருக்கும். சாதாரணமாகவே 8 வருடங்களிற்கு இதை பொருத்தியிருக்கலாம். இதனால் பக்க விளைவாக (side effect) சிலவேளை சிறிதளவு ரத்தப் போக்கு ஏற்படும் எனச் சொல்லப்பட்டாலும் மற்றைய தற்காலிக கருத்தடைகளுடன் ஒப்பிடும் போது உடலுக்கான பக்க விளைவு குறைவு தான் காரணம் (oral contraceptive peals) வாய் வழி உட்கொள்ளும் மாத்திரைகளால் அதிலுள்ள (oestrogen and progesterone) காரணமாக உடல் பருமனாதல் போன்ற விளைவுகள் எற்படலாம். இதனால் அண்ணளவாக 6 மாதத்திற்கு 2 (kilo gram) அதிகரிக்கலாம் எனக் கூறப்படுகிறது. அத்துடன் சிலருக்க கருப்பை புற்று நோயும் எற்படச் சாத்தியம் இருக்கலாம் எனவும் சொல்லப்படுகிறது.

           படங்கள் அதிகமாக உள்ளது என குறை சொல்ல வேண்டாம் எல்லாம் ஒருவிளக்கத்திற்காகத் தான்.

என்ன காணுமா இன்னும் விசயம் முடியலிங்க இன்னுமொரு சந்தர்ப்பத்தில் ஏனையவற்றை பார்ப்போமா ?

            நீங்க சொல்லறது கேட்குதுங்க கல்லுப் போட்ட கதை கேட்டுத் தான் கடலை போட பழகினாங்களோ என்று. எனக்கு அதைப் பற்றித் தெரியாது எனக்கு நீங்கள் போட வேண்டியதை போடுங்கள் அது தாங்க வாக்கு..
எனது ஆரம்ப கால பதிவில் ஒன்று ஆணுறை உருவான கதை.