அழியா வடுக்கள்

இந்த வருடத்தின் இறுதிப் பதிவுடன் விடை பெறுகிறேன். என் உறவுகள் எல்லோருக்கும் ஆங்கிலப் புத்தாண்டு வாழ்த்துக்கள்

உறவுக்குள் கரை நீ

என்னிலாடும்

உணர்வுக்குள் துளி நீ
என்னுள் வாழும் காரிகை நீ
மனக் கண்ணில் வரைந்த தூரிகை நீ

நெருப்பைத் தொட்டாலும்
உன் நினைவு தான் எனைச் சுடுகிறதே
பனித் துளியைத் தொட்டாலும்
உன் முத்தம் தான்
இப்போதும் குளிர்கிறதே


நின்னை சரணடைய
என்னைத் தொலைத்தவன் நான்
கண்காணாத் தூரத்திலும்
வெள்ளியாய் சிரிப்பது நீயா
சூரியன் பார்த்து கலங்காக் கண்
அவ் வெள்ளி பார்த்துக் கலங்குவதேன்


உனை சந்திக்கும் வரை
எனை நான் சிந்தித்ததில்லை

உனை சந்தியா... விடில்
என் வாழ்வே சிந்தியிருக்கும்.

நீ தொலைந்தாயா
நான் தொலைத்தேனா
அவர்கள் திருடினாரா
தெரிந்தால் சொல்லுங்களேன்


குறிப்பு - .
            என் இளமைப் பருவத்தின் முதலாவது நிம்மதியான ஆண்டொன்றுக்குள் நுழையப் போகிறேன். இது நிலைக்க இறைவனை பிரார்த்திக்கிறேன்.