வன்னிப்போர்க் களத்தில் பொருட்களின் விலைப்பட்டியல்

          இந்த ஆக்கத்தை முன் அனுமதியின்றிப் பயன்படுத்துவோர் திருடர்களாகவே கருதப்படுவர்.

           இவை ஒரு அதிசயமான விடயமாகும். அதனால் நீங்கள் நம்ப மாட்டீர்கள் எனத் தெரியும் அதற்கு நான் என்ன செய்யலாம். உண்மைகள் என்பது மூடி மறைக்கப்பட்டாலும் ஒரு நாள் வெளிவருவது தானே.

இங்கு நான் குறிப்பிடுவது வன்னியின் போர் உச்சக்கட்டத்தில் இருந்த நேரம் பொருட்கள் இருந்தாலும் வாங்கவோ விற்கவோ முடியாத நிலையில் இருந்த சராசரி விலைப் பட்டியலாகும். இந்த அட்டவணையில் தற்போதுள்ள விலையையும் அங்கே இருந்த விலையும் போடப்பட்டுள்ளது.

பொருட்கள்	தற்போதை விலை	வன்னி விலை (சராசரி)
அரிசி	60 ரூபாய்	5500 ரூபாய்
மா	75 ரூபாய்	6500 ரூபாய்
சீனி	96 ரூபாய்	5000 ரூபாய்
தேயிலை	420 ரூபாய்	4500 ரூபாய்
செத்தல்	180 ரூபாய்	16000 ரூபாய்
தேங்காய்	30 ரூபாய்	2500 ரூபாய்
தங்கம் ஒரு பவுண்	41000 ரூபாய்	2500 ரூபாய்
சாதாரண பருப்பு	160 ரூபாய்	4500 ரூபாய்
தேநீர்	10 ரூபாய்	60 ரூபாய்
பால் தேநீர்	20 ரூபாய்	100 ரூபாய்
றொட்டி	10 ரூபாய்	50 ரூபாய்
பெற்றோல்	132 ரூபாய்	20 ரூபாய்

           இதில் ரசிக்கக் கூடிய ஒரு விலைப்பட்டியலும் இருக்கிறது. ஒரு ஹீரோ கொண்ட (HERO HONDA MOTER BIKE) உந்துருளியின் விலை தெரியுமா..? ஒரு நபர் இரண்டு தேங்காய்களைக் கொடுத்து ஒரு உந்துருளியைப் பெற்றுக் கொண்டார். இன்னொரு நபர் தனது ஆட்டோவை மூன்று தேங்காய்களுக்கு விற்றார்.

           இது போர் என்பது எவ்வளவு கொடுரமானது என்பதற்கு ஒரு சின்ன உதாரணம். ஷெல் விழுந்து இறந்ததையே குறிப்பிட்டுக் கொண்டிருக்கும் பலர் பட்டினியால் இறந்ததை கணக்கிலெடுப்பதில்லை. எத்தனையோ தகப்பன்கள் தம் பிள்ளையின் உணவுக்காய் போய் மாண்ட கதையிருக்கிறது. இப்போதும் கூட உடல் சிதறிப் பலியான தன் கணவன் போருக்கு அழைத்துச் செல்லப்பட்டிருக்கலாம் என பொட்டுடன் வாழும் விதவைகளும் இருக்கிறார்கள்.

வாருங்கள் கடைசியாக ஒரு குட்டிக் கதை

ஒரு சிறுவனுக்கு இன்னொரு சிறுவன் நகங்களை வெட்டிக் கொண்டிருந்தானாம் அதுவும் சாதாரணமாக இல்லை மிக மிக வேகமாக அதை எட்ட இருந்து பார்த்த ஒரு கூட்டம் கை தட்டி உற்சாகப்படுத்தியது. அவன் உற்சாகத்தில் இன்னும் வேகமாக வெட்ட ஆரம்பித் தான் அப்போது அவன் தசையும் வெட்டப் பட்டது இரத்தம் கசிந்தது அவன் அழுதான் ஆனால் அவன் அழுததை அந்த போட்டி உற்சாகம் அவர்களை கவனிக்கத் தடுத்து விட்டது. இறுதியாகத் தான் அந்தக் கூட்டம் இதைக் கண்டது அப்போது இந்தப் போட்டிக்கு சூதாட்டம் கட்டிய ஒருவன் சொன்னானாம். சண்டை என்றால் சட்டை கிழியும் தானே.

தங்கள் கருத்துக்களையும் இதற்கான வாக்குகளையும் அன்புடன் எதிர்பார்க்கிறேன்

குறிப்பு – கருத்துக்கள் தணிக்கைக்குட்பட்டவையே பிரசுரிக்கப்படும். அத்துடன் இந்த ஆக்கத்தை அனுமதியின்றி பாவிப்பவர்கள் திருடர்களாகவே கருதப்படுவர்.

 அப்புறம் எனது நண்பன் தந்தான் அல்லது எனது செய்தியாளர் தந்தான் பிரசுரித்தேன் என்றெல்லாம் கதைவிடக் கூடாது இன்று முதலாவது தங்களுக்கு வரும் தகவலை ஒரு முறை கூகுல் செர்ஜ்ஜில் போட்டுப் பார்த்துவிட்டுப் போடவும்.


இந்த வார சிறந்த வலையமைப்புகளுக்கான பட்டியலில் 10 வது இடம் தந்த தமிழ் மணத்திற்கு  என் நன்றிகள்.. அத்துடன் என்னை அறிமுகப்பதிவராக அறிமகப்படுத்திய மாதவராஜ் அவர்களுக்கும் என் நன்றிகள் உரித்தாகட்டும்...

UPDATE

அன்புச் சகோதரர்களுக்கு......

நான் குறிப்பில் இவ்வளவு கடுமையான விதிமுறை போட்டிருப்பதற்கான காரணம் எனது பழைய ஆக்கம் ஒன்றான அசினின் சமூகப்பணியால் பார்வையிழந்த யாழ் வறியவர்கள்...!!! என்ற ஆக்கத்தை 7 தளங்கள் அசினுக்கெதிரான பிரச்சாரத்திற்காகவும் தமிழரை பாழாக்கும் வேறுசில காரணங்களுக்காகவும் பயன்படுத்திக் கொண்டன. அது எனக்கு பெரிய சங்கடத்தை உருவாக்கியிருந்தமையே இந்த முடிவுக்குக் காரணமாகும்.

நன்றி