மறைமுகமாய் பணத்தை பறிக்கும் HUTCH வலையமைப்பு

               உலக மாற்றத்தில் தொலைத் தொடர்பாடல் ஆனது முக்கிய பங்கினை பெற்றுள்ளது. அதிலும் இலங்கையைப் பொறுத்தவரை கைப்பேசி வலையமைப்புகளின் விஸ்தரிப்பானது பெரும் மாற்றத்தை ஏற்படுத்தியுள்ளது.

             வாடிக்கையாளரைப் பொறுத்தவரை எதைப் பாவிப்பது எதைத் தவிர்ப்பது என குழம்பிய நிலைக்குத் தள்ளப்பட்டுள்ளனர். இங்கு முக்கிய விடயமாகக் குறிப்பிடப்படுவது என்னவென்றால் ஒரு வலையமைப்பானது தனது வாடிக்கையாளரிடம் மறைமுகமாகப் பணம் பறிக்கும் செயற்பாட்டில் இறங்கியுள்ளது.

                                     27 ஆகஸ்ட் 2010 அன்று 

 A SPECIAL HELLO TUNE HAS BEEN ACTIVATED ON YOUR HUTCH MOBILE FREE FOR 5 DAYS. IF YOU WISH TO DEACTIVATE SEND HT DA TO 368 FOR FREE DEACTIVATION. 

இப்படி ஒரு குறுந்தகவல் வந்திருக்கிறது. .... இது ஹலோ ரியூன் சம்பந்தப்பட்டதாகும். ஹலோ ரியூன் என்றால் நீங்கள் யாருக்காவது அழைப்பை மேற்கொண்டால் அவர் உங்கள் அழைப்பை ஏற்கும் வரை நீங்கள் கேட்பதற்காக வழங்கப்படும் இசையொலியாகும். இந்தக் குறுந்தகவலை பலர் பார்த்திருக்கச் சந்தர்ப்பம் இல்லை காரணம் இந்த வலையமைப்பில் இருந்த ஒரு நாளைக்கு சராசரி 4-5 குறுந்தகவல் அனுப்பப் படுவதால் யாரும் அதைக் கவனத்திலெடுப்பதே இல்லை. அப்படிப் பார்த்தாலும் பார்க்கும் நபருக்கு மொழிப்பிரச்சனை இருக்கமாயின் அவர் நிலை எப்படியிருக்கும்.

        மற்றைய வலையமைப்புக்களிலும் இப்படி இலவச சேவை வழங்கப்பட்டாலும் அவர்கள் குறிப்பிட்ட நாளில் அது தானாகவே செயலிழந்த விடும். இங்கே அந்தச் சேவையானது செயலிழக்காமல் இருப்பதால் மறைமுகமாகப் பணம் பிடுங்கப்பட்டுக் கொண்டிருக்கும்.

        முக்கியமாக உங்களது கைப்பெசியில் இது செயற்பாட்டில் இருக்கமாயின் உங்களுக்குத் தெரியப் போவதில்லை. தங்களுக்கு அழைப்பை மேற்கொள்பவர் சொன்னால் மட்டும் தான் தங்களுக்குத் தெரியவரலாம்.

        நிச்சயம் இதனால் பல வாடிக்கையாளர் பாதிக்கப்பட்டிருப்பர். அவர்களிடம் தொடர்பு கொண்டு கேட்ட போது தொடர்பு கொண்ட சிம் அட்டையின் பணத்தை மீளழிக்க ஆவன செய்யப்படும் என முறைப்பாட்டை பதிந்து கொண்ட போதிலும் இது வரை பதிலளிக்கப்படவில்லை. சில வேளை அவர்களின் இச் செயற்பாட்டிற்கு அவர்களால் இலவசமாக வழங்கப்பட்ட சிம் அட்டைகளே காரணமாக இருக்கலாம். ஏனெனில் பல சிம் அட்டைகள் பாவிக்கப்படாமல் பணத்துடன் கைவிடப்பட்டு இருக்கிறது. அதற்காக அப்பாவி வாடிக்கையாளர் பாதிக்கப்படக் கூடாதல்லவா இது ஒரு பாதிக்கப்பட்டவனின் விழிப்புணர்ச்சிக் கட்டுரையாக எற்றுக் கொள்ளவும்.

இந்தச் செய்தி இலங்கையருக்கு மட்டும் பொருந்தக் கூடியதல்ல இப்படித் தான் பல வலையமைப்பகள் ஏமாற்றி வருகிறது. மற்றாவருக்கு உதவும் நோக்கிருந்தால் இந்த ஆக்கம் பலரைச் சென்றடைய ஒரு வாக்குக் குத்தி விட்டுப் போகுமாறு கேட்டுக் கொள்கிறேன்..