கல்விக்காய் ஏங்கும் பயிருக்கு கரம் கொடுக்க வாருங்கள்

முற்குறிப்பு - இப்பதிவானது சகோதரன் சந்துரு அவர்களின் வலைத் தளத்தில் பகிரப்பட்டிருந்தது. ஒரு பொது நோக்கிற்காக அவரின் அனுமதியுடனும். அந்தப் பாதிக்கப்பட்டவரின் ஒலிப்பதிவையும் பெற்று தங்களுடன் பகிர்கின்றேன். கல்வியில் சிறந்து விளங்கும் அந்தப் பையனை வாழ வைப்பதில் ஆர்வம் உள்ளவர்கள். எனது முகவரிக்கோ (mathisutha56@gmail.com) அல்லது கீழே உள்ள சந்துருவின் முகவரிக்கோ தொடர்பு கொண்டால் அந்தப் பையனின் தொலைபேசி இலக்கத்தை தருகின்றோம்.

     இத்திட்டத்திற்கு அரவணைப்போம் திட்டத்தில் பங்கெடுத்திருப்போரும் சிரத்தை எடுத்து ஏதாவது நடவடிக்கை எடுக்குமாறு கேட்கப்படுவதுடன். தங்களால் உதவ வசதியில்லாவிடினும் இதை முடிந்தவரை பகிர்ந்து உதவவும். இப்பதிவில் சந்துரு அவர்கள் கேட்டிருக்கும் தொகையானது தற்போதைய நிலவரத்திற்கமைவானது. ஒலிப்பதிவில் அப்பையன் குறிப்பிடுவது முன்னர் வைத்தியர் கூறிய தொகையாகும்.

       வலைப்பதிவு எழுதும் நாம் எழுத்துக்களுடன் நின்று விடாது சமூகத்திற்காக ஏதாவது செய்ய வேண்டும். சில பதிவர்கள் இதனைச் செய்து வருகின்றனர். நானும் சமூக சேவை செய்து வருபவன் எனும் வகையில் உங்களிடம் ஒரு கோரிக்கையை முன்வைக்கின்றேன். 

 தற்போது உயர்தரம் படித்துக் கொண்டிருக்கும் ஒரு மாணவனுக்கு இருதய நோய் இருக்கின்றது. உடனடியாக இருதய சத்திரசிகிச்சை செய்ய வேண்டிய நிலையில் இருக்கின்றார். உடனடியாக சத்திரசிகிச்சை செய்யாவிட்டால் உயிராபத்து ஏற்படும் நிலையில் இருக்கின்றார். இருதய சத்திர சிகிச்சைக்காக இலங்கை ரூபா ஐந்து இலடசத்திற்குமேல் செலவாகும்.

  

     ஆனாலும் அம்மாணவனின் குடும்பம் மிகவும் வறிய நிலையில் இருக்கின்றது. நல்ல எண்ணம் கொண்டவர்கள் இவரின் உயிரைக் காக்க உதவி செய்யுங்கள். இவர் மட்டக்களப்பு களுதாவளையைச் சேர்ந்தவர் பெயர் இராஜேந்திரம் நிமல்ராஜ் மட்களுதாவளை மகா வித்தியாலயத்தில் உயர்தரம் படிக்கின்றார். மாணவனின் உயிரைக்காக்க உதவ நினைப்பவர்கள் தொடர்பு கொள்ளுங்கள் நேரடியாக குறித்த மாணவனுடன் தொடர்புபடுத்தி விடப்படும்.

மின்னஞ்சல் :-shanthruslbc@gmail.com

மூலப்பதிவின் தொடுப்பு - தொடுப்பு

தரவேற்றம் (3.1.2012) - ஒரு குழுமம் ஒன்று அம்மாணவனுக்கு 2 லட்ச ரூபாய் சேகரித்துத் தர விருப்பம் தெரிவித்துள்ளது. இன்னும் 3 லட்சம் தான் தயவு செய்து அனைவரும் முயற்சியுங்கள்.