என்னைச் செருப்பால் அடித்த இலங்கைப் பதிவர்

வணக்கம் உறவுகளே சேமம் எப்படி ?

பதிவின் நோக்கம் – இப்பதிவானது யாரையும் தாழ்த்தி உரைப்பதற்காகவோ நோகடிப்பதற்காகவோ எழுதப்படவில்லை. ஒரு பதிவர் எப்படி இருக்கக் கூடாது என்பதற்காக எழுதப்படுகிறது. இது என் பதிவுலக ஆரம்பிக்க முன்னரோ விழுந்த பெரிய தடைக்கல்லாகும்.

அந்த நாட்கள் மிகவும் வெறுமையான நாட்களில் ஒன்றாகும். கருவறையில் இருந்து வெளியே வந்த குழந்தை போல் பதிவுலக ஆசையுடன் அலைந்த நாட்களை எண்ணிப் பார்க்கிறேன். என் மனசு கையில் ஒரு கைப்பேசி இல்லா நிலையில் கூட கணணிக்கு ஆசைப்பட்டது.

        ஒருவாறு அது கையில் கிடைத்த போதும் எனது பதிவுலகத்தை ஆரம்பிக்க நினைத்தேன் ஆனால் ஏதோ ஒரு யுனிகோட் எழுத்துருவாமே அது என்ன ? எப்படி ? என யாருக்குமே தெரியவில்லை. தேடல் தொடர்ந்தது. ஒருவாறு வவுனியாவில் இருந்து தொழில்நுட்பப் பதிவு எழுதும் ஒரு ஆசிரியரது தளம் கிடைத்தது. ஓடிப் போய்ப் பார்த்தேன். ”உங்கள் கணணியில் யுனிகோட் எழுத்துருவை செய்ற்பட வைக்க முதல் உமக்கான வின்டோஸ் சீடியை கையில் எடுத்து வைத்திருங்கள்” என்று இருந்தது. அன்று அங்கிருந்து ஓடியவன் தான் அதன் பின் அந்த ஆக்கத்தை பார்க்கவே இல்லை. காரணம் ஒன்றுமே தெரியாதவனுக்கு விமானத்தில் றிவேர்ஸ் (பின்னோக்கி) அடி என்றால் எப்படி இருக்கும் அப்படி இருந்தது.

            அதன் பின் தான் பத்திரிகையில் தொழில்நுட்பம் எழுதும் ஒரு பதிவர் கிடைத்தார். (மூன்று எழுத்துப் பெயர், இதுவரை யாருக்குமே கருத்திடாத ஒரு பதிவர்) அதில் அவரது வலைப்பூ முகவரியும் மின்னஞ்சல் முகவரியும் இருந்தது. அவருக்கு மின்னஞ்சல் அனுப்ப முனைந்தேன். எனது முற்கொடுப்பனவு இணைய இணைப்பில் ஜீமெயிலை திறந்து விட்டு பின்னர் இணைய இணைப்பை துண்டித்து விட்டு அதனுள் தட்டச்சிட்டேன். காரணம் DIALOG முற்கொடுப்பனவு இணைய இணைப்பில் குறிப்பிட்ட நேரம் தான் வழங்கப்படும் உதாரணமாக 26 ரூபாய் கட்டினால் 30 நிமிடம், 62 ரூபாய் கட்டினால் 2 மணித்தியாலமாகும். அந்த மின்னஞ்சலில் ”எனக்கு இணையத்தில் தமிழில் தட்டச்சிட வேண்டிய தேவையிருக்கிறது ஐயா. தயவு செய்து இந்த யுனிகோட் பற்றி ஏதாவது சொல்லித் தாருங்கள் என்றேன்” MS WORD ல் தட்டச்சிட்டு வைத்திருந்த மடலை பிரதி பண்ணி மின்னஞ்சலில் அனுப்பினேன் அப்போது எனக்கு தெரியவில்லை. சாதாரண பமினி பார்வைக்கு தமிழ் போல் தெரிந்தாலும் அனுப்பிய பின் மாறி விடும் என்று.

ஒரு வாரமாக பதிலில்லை. மீண்டும் ஒரு முயற்சி செய்தேன். இந்த முறை பதில் கிடைத்தது. ”தங்கள் மடலுக்கு நன்றி நண்பரே தங்கள் மடலுக்கு பதில் தரப் பிந்தியமைக்குக் காரணம் நீங்கள் யுனிகோட் எழுத்துருவில் தட்டச்சிட வில்லை மறுமுறை தமிழ யுனிகோட் எழுதி ஏதாவது பயன்படுத்தி எழுதி அனுப்புங்கள்” என்றிருந்தது. ஆயிரம் பேர் சேர்ந்து நின்று என் மூஞ்சியில் காறித் துப்பியது போல இருந்தது.

      குரங்கிடம் சிறுநீர் கேட்டால் கொப்புக் கொப்பாக தாவுமாம் என்பார்களே அவர் அந்த ரகமோ தெரியவில்லை அனால் ஒரு சாதாரண பாமினியில் ஒருவன் தட்டச்சிடுகிறான் என்றால் ஒன்றில் அவன் எழுத்துரு பற்றித் தெரியாதவன் அல்லது குருடன் என்று அறியாத படித்தமேதையாக அவர் இருந்ததை நினைத்து புழுங்கினேன். பின்னைய காலத்தில் தான் புரிந்தேன் சாதாரண பாமினியைக் கூட NHM WRITTER ONLINE ல் யுனிகோட்டாக மாற்றலாம் என்று. ஒரு தொழில் நுட்ப பதிவருக்கு இரு கூட தெரியலியா ? அவர் எனக்கு பதில் தர நினைத்திருந்தால் அந்த பாமினி எழுத்தை ஒரு Micro Soft WORD ல் போட்டு அதை தமிழாக மாற்றி வாசித்திருக்கலாம். அந்த அவமானம் என்னை உண்மையில் நோகடித்தது 2 வாரம் அவருக்காக காத்திருந்தும் வீணாகி விட்டது. அதன் பின் நான் முன்னைய பதிவில் சொன்னது போல எனது முதல் பதிவை தேடல் பெட்டியில் உள்ள தமிழ் தட்டச்சுப் பலகையில் தட்டச்சிட்டேன் அதன் பின்னர் தான் NHM WRITTER கிடைத்தது.

        இந்த பதிவைப் பார்த்தாவதுதிருந்திக் கொள்ளுங்கள் நீங்கள் பிடுங்கி எறிந்த முள் தான் என்றோ உங்கள் காலைக் குத்தும் என்பதற்கு நான் சாதிச்சுக் காட்டி விட்டேன் ஆனால் ஒரு வருடத்தின் பின்னர் தான் நான் இதை வாய் திறக்கிறேன். இப்போ கூட தேவையில்லைத் தான் ஆனால் இனி ஒருவன் உங்களைப் போல் இருக்கக் கூடாது எனவே இதைப் பதிவிடுகிறேன்.

"விழுவது ஒன்றாக இருந்தாலும் எழுவது ஒன்பதாக இருக்கட்டும்”

-காசி ஆனந்தன்

எனது கோட்பாடு

“உதவி பெறுவதை விட உதவி செய்து பார் உவகையாய் மனமினிக்கும்”

தமிழுக்காக ஒரு தமிழனால் முடிந்த உதவி (இலகு தட்டச்சு உதவி)

UPDATE 18/7/2011

உறவுகளே சிலருக்கு இது புரியவில்லை என நினைக்கிறேன். அவரது பதிவுக்கான தொடுப்பை தந்திருந்தால் இந்தச் சந்தேகம் வந்திருக்காது. அத்துடன் அவர் தலைக்கனமும் புரிந்திருக்கும்.
ஒருவன் உங்களுக்கு மெயில் போடுகிறான் என்றால் ஏதோ ஒரு முக்கிய விடயமாகத் தானே இருக்கும். சாதரண பாமினியில் வருவதை வாசிக்கத் தெரியாதளவுக்கு அவர் மொக்கு பதிவரல்ல தாராளமாக கணணி அறிவுள்ள பதிவராகும்.
அவரது பதிவை படிக்க விரும்புபவர்கள் தனிமடலில் தொடர்பு கொள்ளுங்கள் தருகிறேன் (தொலைபேசித் தொடர்பு வேண்டாம் எழுத்து ரிதியாக மட்டும் தொடர்பு கொள்ளுங்கள்)