திருநெல்வேலியில் மட்டும் ஏன் பொருட்கள் மலிவு

இது இலங்கை விசயமானாலும் இவர்கள் கையாளும் நுட்பத்தை எல்லாரும் அறியவேண்டும் 

இக்கட்டுரையை நான் ஆராய்ந்து எழுதக்காரணம் எனக்கு நடந்த சம்பவம். எனக்கொரு காகித வெட்டி (paper cutter) தேவைப்பட்டது அதை திருநெல்வெலியில் 55 ரூபாய்க்கு வாங்கினேன். அது அழகான உருக்காலான (steel) கத்தியாகும். வாங்கி வருகையில் அருகில் நின்ற கொழும்பு சுற்றுலா வாசியொருவர் ”மேக்க மில கீ(h)யத” என்றார். நானும்

55 ரூபாய்க்கு வாங்கினேன் என்று கூறினேன். ”அம்மட்ட உடு” என்று தலையில் கைவைத்தவர். அதே போன்றதொன்றை தான் கொழும்பில் 150 ரூபாய்க்கு வாங்கியதாகக் கூறினார்.

எனக்கு அதிசயமாகப் போய் விட்டது. பல மைல் தொலைவில் உள்ள இடத்தை விட இறக்குமதியாகும் இடத்தில் 95 ரூபாய் அதிகமாக இருந்தது. ஆராய்ந்த பார்த்தால் இது தான் விசயம்.

இவர்கள் பயன்படுத்தும் நுட்பம் mega target எனப்படுகிறது. இதை வாய் மொழியில் under cut பண்ணுவது என்றும் அழைப்பர். நான் ஒரு சிறிய வியாபாரியாக இருந்தால் 10,000 ரூபா பொருள் ஒன்றை 10% கழிவுடன் 9,000 ரூபாயிற்கு கொள்வனவு செய்து விற்பேன். இப்படி கொள்வளவு செய்யும் பல சில்லறை வியாபாரிகளை முன் ஒப்புதலுடன் சேர்த்து ஒரு பெரிய முதலாளி அதே பொருளை 1 கோடியிற்கு கொள்வனவு செய்தால் 20% கழிவு கிடைக்கும் (அண்ணளவாக) அவர் கொள்வனவு செய்து அடுத்த ஓரிரு நாளில் விநியோகித்து. ஒரு வாரத்தில் முழுப்பணத்தையும் சேகரித்து விடுவார். இதில் அவருக்கு பெரிய இலாபம் இருப்பதால் அவர் ஒரு குறிப்பிட்ட தொகைக்கே விநியோகிப்பார். சிறு வியாபாரிகளும் வேளைக்கே பணத்தை சேகரிப்பதற்காக தமக்கு கட்டுப்படியான இலாபம் வைத்து விற்றுத் தீர்க்கிறார்கள். இதனால் தான் சந்தையில் பொருட்கள் மிக மலிவாகக் கிடைக்கிறது.

இதில் பெரிய முதலாளிக்கு பெரியளவில் வருமானம் வருமா? என்று கேள்வி கேட்டால் அதையும் combany (நிறுவனமே) கொடுக்கிறது. அதாவது பெரிய முதலாளி 2 மாதத்தில் பணத்தை அவர்கள் கணக்கில் இட்டால் சரி. அதனால் அவர் சிறு வியாபாரிகளிடம் ஓரிரு வாரத்தில் சேகரிக்கும் பணத்தை வங்கியில் நடைமுறைக்கணக்கு தவிர்ந்த வேறு ஏதாவது கணக்கில் இட்டு 2 வது மாதக்கடைசியில் அதை தன் நடைமுறைக்கணக்குக்கு மாற்றுவார். அதில்வரும் வட்டிப்பணமே அவரது இதர செலவுகளுக்கு போதுமானதாகும்.

இதைவிட வருட இறுதியில் பெரிய முதலாளிக்கு குடும்பமாக வெளிநாட்டு சுற்றுலா செல்லும் வசதியை combany (நிறுவனமே) ஏற்படுத்திக் கொடுக்கும். இவை தான் அடியேனின் சிறு மூளைக்கு எட்டியது. மேலும் விடயம் தெரிந்தால் பின்னூட்டத்தில் குறிப்பிடவும்.

(எனக்கு அடிப்படைத்தகவல்கள் தந்துதவிய சகோதரர் ஜீவனுக்கு மிக்க நன்றி)

குறிப்பு – சின்ன சின்ன பாரட்டுக்களும் விமர்சனங்களும் தான் புதிய முயற்சிகளைத் தோற்றுவிக்கும்.

 வர்த்தகம்