யாரிந்த பதிவுலக கணக்குத் திருடர்கள்-சில ஆதாரங்களுடன்

வணக்கம் உறவுகளே சேமம் எப்படி?

பதிவின் நோக்கம்- நாட்டுப் பற்றுரைக்கும் சில திருடர்களின் முகம் மூடிக் கிழிப்பு

கணக்கத் திருட்டு என்பது குறிப்பிட்ட சில காலத்திற்கு காலம் நடைபெறும் ஒரு வித வியாதி போல ஆகிவிட்டது.

இது எழுத்துலக ரீதியாக என்னை பாதிக்காவிட்டாலும் நண்பர்கள் மத்தியில் ஒருவித சலசலப்பை ஏற்படுத்தியது. காரணம் என்னோடு நெருங்கிப் பழகும் இரு நெருங்கிய நண்பர்களே நேரடியாக கூறினார்கள். இந்தியாவின் “றோ” தான் செய்தது என்று.

அவர்கள் நேரே சொல்பவர்களாதலால் பரவாயில்லை இப்படி எத்தனை பேர் மனதில் இந்த எண்ணம் இருந்திருக்கும். அவர்களுக்கு என்னால் விளக்கம் தர முடியவில்லை காரணம் இருவரும் எழுத்துலகிலலோ அரசியலிலோ பழுத்த பழங்கள். ஆனால் அவர்களுக்கு ஒன்றை மட்டும் சொல்ல முடிந்தது அவர்களுக்கு கவிஞர் சிநேகனின் பேச்சையும், பதிவுலக அரசியல்புரட்சி மன்னன் டொன் அசோக் இன் தொடுப்பையும் கொடுத்தேன். ஏனென்றால் அவர்களை விடவா நான் ஸ்டேடஸ் போட்டேன்.

உண்மையில் நடப்பது இது தான்.

யாரோ ஒரு அரைகுறை தொழில் நுட்பம் தெரிந்த ஒரு கணக்குத் திருட்டாளன் எமது கணக்கு முகவரியை வைத்து எமது கணக்கு வழங்கி முகவருக்கு முறையீடு ஏதாவது இடுவதன் மூலமோ அல்லது அந்த முகவரிக்கூடாக கண்டபடி உள் நுழைய முற்பட்டு அக்கணக்கை குழப்புதல் போன்ற செயற்பாடுகளில் ஈடுபடுகிறார்கள்.

இதில் கணக்கை மீளப் பெறத் தெரிந்தவர்கள் அதையே பெற்றுக் கொள்கிறார்கள் தெரியாதவர்கள் தொலைந்ததாக நினைத்து மண்டையை காயப் போட்டு விட்டு இன்னொன்றுக்குத் தாவுகிறார்கள்.

எனக்கு நடந்த சம்பவமே இதற்கு பெரும் உதாரணம். காரணம் எனது கணக்கை கையகப்படுத்தியிருந்தால் எனது மூஞ்சிப்புத்தகக் கணக்கு, ருவிட்டர் கணக்கு போன்றன பெறுவது பெரிய சிரமமில்லை காரணம் அதற்கும் இதே மெயில் தான் பாவித்தேன். (இப்போ எல்லாம் வேறு வேறு).

என் கடவுச் சொல்லு சாதரண திருட்டுக்கு ஏற்ற கடவுச் சொல்லல்ல இதோ பாருங்கள் vicram1995./!@#$sutha.#*jaffna2009 இதை திருடுவதற்கு எந்தளவு திறமை வேண்டும்.

சரி சம்பவத்திற்கு வாருங்கள். எனது கணக்கு டைசியாக செயலிழந்த போது உள் நுழைந்தவர் விபரம் இது தான். ஏன்யா என்ர பதிவு விறுத்தத்தில பில்கேட்சா என் கணக்கை குழப்ப வரணும் படத்தை பாருங்கள் தெரியும் Microsoft.com ல் இருந்தாம் வந்திருக்காங்க.

எனது கணக்கை கூகுலிடம் தேடக் கொடுத்த போது இப்படித் தான் சொன்னது. கணைக்குக் கிடைத்த பின் மெயிலுக்குள் பார்த்தால் யாரும் நுழைந்ததுக்கான ஐபியோ இடமோ அங்கே இருக்கவில்லை. அத்துடன் கூகுலால் அப்படி ஒரு கணக்கு இல்லை என தகவல் பகிரப்பட்ட போதும். அனுப்பிய அத்தனை மெயில்களும் விநியோகிக்கப்பட்டது ஒன்று கூட திரும்பி வரவில்லை.

அதே நேரம் புளொக் கூட செயலிழக்கப்பட்டிருந்தது அதற்கான படம் இது தான்.

உண்மையில் இது தொழில் நுட்பப் பதிவாளர்களுக்கு பெரிய சவாலாகும். காரணம் உங்களுக்கு பிரச்சனை வந்தால் தீர்ப்பீர்கள் ஆனால் மற்றவருக்கு வரும் போது என்ன செய்யப் போகறீர்கள். எல்லோருக்கும் உதவுவது தங்கள் கடமையல்லவா ?

இங்கே என்ன நடக்கிறது ? ஏன் நடக்கிறது ? எப்படி நடக்கிறது ? பதிவாய் போட்டால் இன்னும் பெறுமதியாக இருக்கும்.

நன்றிச் செதுக்கலுடன்...

அன்புச் சகோதரன்

ம.தி.சுதா
குறிப்பு- அண்மையில் அண்ணர் நல்லநேரம் சதீஸ்குமாருக்கும் இப்படியான ஒரு கசப்பான சம்பவம் ஏற்பட்டிருக்கிறது. தயவு செய்து அவர் மீண்டும் தனது தளத்தை சீர்ப்படுத்துகிறார். அவரது பின்தொடர்பசர்கள் மீண்டும் சென்று அவரை பின் தொடருங்கள்.