யாழ்ப்பாணத்தில் உருவாகும் திரைப்படமும் அதன் பின்னணியும்.

                            எம்மவர்களின் திறமையை மீண்டும் நிருபிக்க ஒரு சந்தர்ப்பமாக நேற்று இது அமைந்தது. aaa movies international ஏற்பாட்டில் எடுக்கப்பட இருக்கும் பனைமரக்காடு என்ற குறும்படத்திற்கான பட பூசை வெங்கடேஸ்வர வரதராயப் பெருமாள் கோயிலில் இடம் பெற்றது.

      

         இதற்கு பின்னணி இசையமைப்பாளரான சிற்பி, நடன நட்சத்திரமான மனோகர்போன்றோர் வந்திருந்தனர். இதை கேசவராஜா இயக்குவதாக அழைப்பிதழில் குறிப்பிடப்பட்டுள்ளது. அவர் ஒரு சிறந்த இயக்குனர் என்பதை முன்னைய காலங்களில் அவருடன் ஏற்பட்ட சந்திப்புகள் மூலம் கண்டிருக்கிறேன். முன்னைய படங்கள் அவரது முழுத் திறமையையை வெளிக்காட்டும் சந்தர்ப்பத்தை அழித்திருக்கவில்லை. இம்முறை அவர் ஒரு சுதந்திர மனிதராக வெளியழுத்தங்கள் குறைவாக படம் ஒன்றை பிரசவிக்கப் போவதால் எனது எதிர்பார்ப்பு அதிகமாக உள்ளது.

இப்படம் மட்டும் இணையத்திற்கு சொந்தமானது

           அத்துடன் தயாரிப்பாளர் பற்றி சொல்லியே ஆக வேண்டும் இவரை யாழில் தெரியாதவர்கள் இருக்கமாட்டார்கள் காரணம் கடந்த தேர்தல் காலத்தில் ஒவ்வொருவர் வீட்டு மதிலில் சிரித்தபடி நின்றவரான செவ்வேள் தான் தயாரிக்கப் போகிறார் ஒரு வழக்கறிஞர் ஆன இவர் இதற்கு முன் தயாரித்த படங்கள் (காதல்.கொம்,கோடம்பாக்கம், பேசாத கண்ணும் பேசுமே)) பெரிதளவு பெயரை பெற்றுக் கொடுக்காவிட்டாலும் இம்முறை தனது முதலை ஈழத்தில் இட்டிருப்பது வரவேற்கத் தக்க விசயமே

நானே ஒட்டிய சுவரொட்டி அழகாயிருக்கா ?

         எம் எதிர்பார்ப்பை ஏற்படுத்தியுள்ள பனைமரக்காடு (panaimarakaadu)காட்டுக்குள்ளேயே தங்குமா அல்லது நாட்டையே கலக்குமா காத்திருப்போம்.. வழமை போல் அனைவரும் அறிந்த ஒன்றை எடுக்காமல் புதிதாய் ஒரு விடயத்தை காட்டினால் பலரை ஈர்க்கும் அத்துடன் வெளி நாட்டவரை கவர வேண்டுமானால் சில விசயங்களை கூறக்கூடாது இப்படியெல்லாம் விதிகள் இருப்பதால் சிலதை கவனத்திலெடுத்து பலதை சிந்தித்தால் பிரபலமாவது உறுதியாகும்.


குறிப்பு - இதே தயாரிப்பாளரிடம் நான் கேட்க வேண்டிய சில கேள்விகள் இருக்கிறது. அவர் மீண்டும் என்னை சந்திப்பார என தெரியாததல் இங்கேயே சொல்கிறேன் “ஐயா எனக்கு அடையாள அட்டை பெற்றுத் தருவதாகச் சொல்லி சாமம் சாமமாகவும் , பற்றைகள் பருகுகளிலும் ஐந்து கிலோ மாவை மட்டும் தந்து ஓசியில் வேலை வாங்கினீர்களே. மற்ற கட்சிக்காரன் ஒரு இரவுக்கு 1000 ரூபா சம்பளமும் கொத்துரொட்டியும் கொடுத்து ஆட்களை வைத்திருக்க ஒற்றை ஐசி க்காக அலைந்தேனே என்னை நினைவிருக்கிறதா ?” ஐயா இப்பொதும் என்னிடம் ஐசி இல்லை ஆனால் நான் நடமாடுகிறேன் காரணம் ஓரிரு மனித நேயம் உள்ள மானிடர்களால். என்மேல் உங்களுக்கு கோபம் வரலாம் நியாயமிருக்கிறது.... அப்படி கோபம் வந்தால் இப்போதாவது எனக்கு உதவுங்கள்... நான் உங்கள் சுவரொட்டியை ஒட்ட சுடுதண்ணிர் விடவில்லை அதில் என் வியர்வை தான் இட்டேன்.


என் துணிவைப் பாராட்டுகிறேன் என்று யாரும் கருத்திட வேண்டாம் நான் ஏமாற்றப்பட்டவன். அந்தச் சொல்லுக்கு தகுதியில்லாதவன்.