பதிவர்களுக்கு லட்ச ரூபாய் பரிசுப் போட்டி...

         இது நேற்று எதேச்சையாகத் தட்டுப்பட்ட விசயங்களில் ஒன்றாகும். மிகவும் வரவேற்பிற்குரிய விசயங்களாக இவை பார்க்கப்படுகிறது. ஒருபுறம் தமிழ் மணம் பெரும் போட்டித் தன்மை ஒன்றை பதிவர் மட்டத்தில் அரங்கேற்றி விட்டுள்ளது. விருதுக்கென ஒரு புறம் போட்டி அது போதாது என்று மறுபுறம் வாரம் 20 பதிவர்களின் தெரிவு என ஒரு கலக்கல் கலக்குகின்றது.

           இன்னுமொரு பக்கம் சிங்காப்பூர் செல்வதற்கான பரிசுடன் அங்கும் ஒரு போட்டி நடைபெறுகிறது.

         நான் பதிவுலகத்துக்குள் வந்த ஆரம்ப நாட்களில் உலவு திரட்டியும் அறிவித்திருந்தது. அதற்காக தட்டியும் இணைத்தால் சரி என்றது மாதம் ஒரு பதிவர் என போட்டிருந்தார்கள். நான் நினைக்கிறேன் அந்த இணையத்தளம் வியாழன் அல்லது செவ்வாய் அப்படி எங்கோ ஒரு கிரகத்தில் இருந்திருக்க வேண்டும். அதனால் தான் எங்களுக்கு ஒரு மாதத்தில் எனச் சொன்னார்கள். அனால் 4,5 மாதத்தின் பின் தான் வெற்றியாளரை மாற்றுகிறார்கள்.

          ஏற்கனவே பரிசல்காரன் ஒரு சவால் சிறுகதைப் போட்டியை வெற்றிகரமாக நிறைவு செய்துள்ளார். இப்போது தமிழ் நிருபர் என்ற தளம் ஒன்று ஆரம்பத்திலேயே ஒரு லட்சம் ரூபா பரிசு என்று சொல்லிக் கொண்டு ஒரு திரட்டியாக தன் பயணத்தை தொடங்க உள்ளது. வெகுவிரைவில் என சொல்லிக் கண்டாலும் அது தொடங்கிய பின்னரே அதை உறுதிப்படுத்த முடியும்.

       கீழே உள்ள தொடுப்பில் அந்த தளத்திற்கான இணைப்பு இருக்கிறது.

அது சரி அங்கே போறதுக்கு முன்னாடி இந்த வாக்குப் பெட்டிகளை ஒரு முறை சொடுக்கி விட்டுப் போகலாமே.

தமிழ் நிருபர்

நன்றி சென்று வாருங்கள்....