மழை காலச் சளித் தொல்லைக்கு வீட்டில் ஒரு சிக்கன மந்திரம் Nuisance cold solution

வணக்கம் உறவுகளே சேமம் எப்படி?

        மழைகாலம் வந்தாலே அதனோடு சேர்ந்து இந்தச் சளித் தொல்லையும் வந்து விடுகிறது. மழையில் நனையாதே நனையாதே என்று எவ்வளவு தான் கத்தினாலும் அது மனதில் உறைப்பதில்லை.

       உதாரணத்திற்கு என்னை எடுத்துக் கொள்கிறேன். உந்துருளியில் செல்லும் போது மழை வந்து விட்டால் ”அட சாதாரண தூறல் போலத் தானே இருக்கிறது கொஞ்த் தூரம் செல்லலாம்” என்று விட்டுச் செல்ல ஆரம்பித்தால் அது 5 நிமிடத்தில் நனைத்து விடும்.

       அதன் பின் நனைந்தது நனைந்தது தானே அப்படியே போவோம் எனச் செல்ல வேண்டியது தான்.

ஆனால் இந்தச் சளித் தொல்லை வந்தால் அதன் பின்படும் பாடிருக்கே அது பெரும் பாடு. தலையெல்லாம் பாரமாக இருக்கும். மூச்சு எடுக்கவே இயலாது. போதாத குறைக்கு மூக்கால் சளி (mucus) வழிந்தோடும்.

வருங்கள் வைத்தியத்தைப் பார்ப்போம்.

முக்கிய குறிப்பு - இங்கு நான் தரும் தகவலானது என்னாலும் நண்பர்களாலும் பல தடவை பரீட்சிக்கப்பட்ட ஒரு விடயமாகும்.

முறை - 1

நன்மை - இதைச் செய்வதால் நிச்சயம் உடனேயே மூக்கடைப்பு எடுபட்டுவிடும். எந்தப் பக்க விளைவும் இருக்காது. (ஆனால் கண்ணை மூடிக் கொள்வது சிறந்தது)

ஒரு சிரட்டையில் நெருப்புத் தணலை எடுத்துக் கொள்ளுங்கள். அதை ஊதி சாம்பல் அற்ற நல்ல தணலாக்கிக் கொண்டு. 3 விரல்களாலும் கொஞ்சச் சீனியை (இந்தியாவில் சக்கரை என்பார்கள்) எடத்துக் கொள்ளுங்கள். அதை அப்படியே தணல் மேல் போட்டவுடன் ஒரு கருகிய புகை வரும். அதை அப்படியே மூக்கால் இழுத்து எடுங்கள். ஒன்றுமே நடக்காது மாற்றத்தை உடனேயே உணர்வீர்கள்.

முறை -2

நன்மை - எத்தனை மாத்திரை போட்டாலும் என்ன வைத்தியம் செய்தாலும் இந்தத் தலைப்பாரம் குறைவதில்லை அதை இந்த சின்ன வைத்தியம் தீர்த்து விடும்.

ஒரு சட்டை ஊசி (Pin) எடுத்துக் கொள்ளுங்கள். அதில் ஒரு மிளகை குற்றி விட்டு அதை எரியும் நெருப்பில் பிடியுங்கள். சிறிது நேரத்தில் அம் மிளகு எரிந்து ஒரு மணத்துடன் புகை வரும் அதை அப்படியே மூக்கால் இழுங்கள். சாதுவான எரிச்சல் இருக்கும் ஆனால் மண்டைப் பாரம் சிறிது நேரத்திலேயே குறைந்து விடும்.

என்ன வைத்தியம் பிடித்திருக்க.. இதில் எந்தப் பெரும் செலவும் இல்லைத் தானே பயன் பெறுங்கள்.

குறிப்பு- எவ்வளவு தான் சொன்னாலும் எங்கள் இணையத் தள நண்பர்கள் செவி சாய்ப்பதாய் இல்லை. இந்த மாதப் பதிவு ஒன்றையும் ஒரு வானொலித் தளம் சார்ந்த தளமும். 2 குழுமத் தளமும் பிரசுரித்துள்ளது. ஒத்தி ஒட்டுதல் என்பது இலகு தான் ஆனால் அதன் மூலத்தை உருவாக்குவது எப்படி சிரமம் என்பது கொஞ்சம் நீங்களாக எழுதிப் பாருங்கள் தெரியும் நண்பர்களே.

யாழ்ப்பாணம் படப்பிடிப்பின் முடிவுக்கட்டத்தில் இருக்கிறோம். அதன் சந்தைப்படுத்தலுக்காக வெளியிடப்பட்டுள்ள ஒரு கணாணொளி இதோ. மேலதிக தகவலுக்கு இங்கே செல்லவும்.