பாவி உயிர்களுக்காய் ஏங்கும் பச்சோந்தி ப.சிதம்பரத்தின் கோரப் பற்கள்

           அரசியல் என்றாலே பொய் புரட்டில் தேர்ந்தவராகவும் பித்தலாட்டக்காரராக கை தேர்ந்தவராகவும் இருக்க வேண்டும் என்பது எழுதப்படாத விதியாகும். ஆனால் கொலை வெறி பிடித்த காட்டு மிராண்டிகளாக இருக்க வேண்டும் என்பதற்கு எந்தத் தேவையுமில்லை.

           இங்கு சுட்டப்படும் அரசியல்வாதி இந்திய உள்துறை அமைச்சரான ப.சிதம்பரமாகும். கடந்த சில நாட்களாக ஆளும்கட்சியின் பலத்துடன் இவர் அரங்கேற்ற இருந்த கொலைவெறியாட்டம் அம்பலத்திற்கு வருகிறது.

        ராஜீவ் கொலையாளிகள் எனக் குற்றம் சாட்டப்பட்ட அந்த 3 உயிர்களையும் கொன்றாவது தம் வெறியை தீர்த்துக்கொள்ள வடநாட்டில் உள்ள காங்கிரசை விட தமிழ் நாட்டில் உள்ள காங்கிரஸ் துடியாய்த் துடிக்கிறது.

     பின்னணி என்ன என்பதைப்பற்றி அனைவருக்குமே தெரியும். ராஜீவின் கொலையுடன் அத்தனை தலைகளுக்கும் தொடர்பிருக்கிறது. அதை மறைப்பதற்காக சரியான குற்றச்சாட்டில்லாமல் தூக்கில் தொங்க வைக்கத் துடிக்கிறார்கள்.

    உதாரணத்திற்கு பேரறிவாளனை எடுத்துக் கொள்ளுங்கள். அவர்மீதான குற்றச்சாட்டு குண்டுக்கான பட்டறி(மின்கலம்) வாங்கிக் கொடுத்தாராம். அதை சாட்சியாகச் சொன்னது ஒரு பெட்டிக்கடைக்காரன் மட்டுமே. ஒரு தூக்கிற்கு இந்த ஒரு சாட்சி போதுமா? அந்தளவுக்கு இந்தியச் சட்டத்துறையும் காங்கிரசுக்கு விலை போய்விட்டதா என ஒரு கேள்வியை முன்வைக்க வேண்டிய கடப்பாடு இருக்கிறது.

       அதற்கு காரணம் சிபிஐயின் முக்கிய அதிகாரி ஒருவரே சொல்கிறார் “புலிகள் எதைச் செய்தாலும் ரகசியமாகவே செய்வார்கள். அது செய்பவருக்குமட்டுமே தெரிந்திருக்கும்” அப்படியானால் ஒரு மின்கலம் வாங்குபவனுக்கு விளக்கம் கொடுத்தா சொல்லியிருப்பார்கள்.

      ப.சிதம்பரத்தின் பக்கம் சாட்டையை திருப்பினால் அவர்மீது எழுந்திருக்கும் மிகப் பெரும் குற்றச்சாட்டு என்னவென்றால் இவர்களின் தூக்குத் தண்டனை குறித்த தீர்மானம் அவரது தனிப்பட்ட முடிவு என்பதேயாகும்.

   சட்டத்தின் பிரகாராம் வேறு சில அமைச்சர்களின் சிபாரிசும் இருக்க வேண்டுமாம். ஆனால் உள்துறை அமைச்சகத்தில் நடந்தது சட்டத்திற்கு புறம்பான விடயமாகும்.

      இவர்களது தண்டனை சம்பந்தமாக உள்துறை அமைச்சகம் தெரிவிப்பதற்கு முதல் நாள் பிற்பகல் வை. கோபாலசாமி அவர்கள் சிதம்பரத்தை நேரடியாகச் சந்தித்தாராம். அது பற்றி கோபாலசாமி கூறுகையில் “கைதிகளின் மனுக்கள் நிராகரிக்கப்பட்டது பற்றி வினவிய போது அது சம்பந்தமாக சாதகமான பதிலை நான் பெற்றுத் தருவேன் என சிதம்பரம் உறுதியளித்ததாகவும் ஆனால் அவருக்கு இத்தண்டனை வழங்குவது பற்றி முதலே திர்மானம் எடுக்கப்பட்டது தெரியும்” என்றும் குறிப்பிட்டிருந்தார்.

       ஒரு கொலைவெறியாட்டத்திற்கு இந்தளவு பச்சோந்தித்தனம் தேவையா?

       இந்தக் கொலையால் உங்களுக்கு என்ன வரப் போகிறது?

அதுமட்டுமல்ல திருச்சி வேலுச்சாமி என்பவர் வரைந்த மடலும் அதற்கு அவர்கள் அழித்த விளக்கமும் மேலும் பரபரப்பை ஏற்படுத்தியுள்ளது.

கங்கிரஸின் கொலை வெறி என்றைக்குமே அடங்கப்போவதில்லை என்பது உறுதியான விடயமே.

     அதுமட்டுமல்ல இந்தச் சம்பவங்களால் காங்கிரசுக்கு சார்பான பலபதிவர்கள் அடையாளம் காணப்பட்டிருக்கிறார்கள். வாழ்க உங்கள் மனிதமும் வக்கிர புத்தியும்.

ஒன்று மட்டும் எனக்கு சந்தேகமாய் இருக்கிறது.

இந்தியா காந்திய தேசமா? அல்லது காந்தி பிறந்த தேசமா?

(திருச்சி வேலுச்சாமியின் கடிதங்கள் கீழே இணைக்கப்பட்டுள்ளது)