வாகனக் கண்ணாடியினுள் நீராவி படிவதை தடுக்கும் ஒரு வழி....!!!

                         என்ன இவன் புதுப் புது கதைவிடுகிறான் என்று யாரும் நினைக்க வேண்டாம். இவை நானும் என்னைச் சுழ இருந்தவர்களும் மேற்கொண்டவை தான்..

                      இனி மழை காலம் வந்துவிட்டது இப்பிரச்சனை எல்லோருக்கம் சிரமத்தைக் கொடுக்கும் ஒரு விடயமாக மாறிவிட்டது. அதற்கான ஒரு சின்னத் தீர்வைத் தான் இந்தச் சின்ன ஆக்கத்தில் பதிவிடுகிறேன். வழமையாக நண்பர்கள் கேட்கும் ஒரு வேண்டுகை ஏன் சின்னச் சின்ன ஆக்கங்களாய் எழுதுகிறாய் என்று. என்ன செய்வது பானையில் உள்ளது தானே அகப்பையில் வரும்.

                   சிலருக்கு இதில் சாத்தியப்படாமலும் நாட்டமில்லாமலும் இருக்கலாம். ஆனால் அவசியப்படுபவர்கள் பிரயோகித்துப் பார்க்கவும்.

முதலில் வாகனத்தின் உள் கண்ணாடியை வடிவாகத் துடைத்துக் கொள்ளுங்கள். அதன் பின் ஒரு உருளைக்கிழங்கை எடுத்து நறுக்கிவிட்டு அந்தத் துண்டால் கண்ணாடியில் தேயுங்கள். அவ்வளவும் தான். கண்ணாடியின் ஊடுபுகவிடும் தன்மையில் எந்தவித மாற்றமும் இருக்காது. அத்துடன் நீண்ட நேரத்திற்கு நீராவி படியாமல் இருக்கம். அதற்காக முதல் நாள் வெட்டி வைத்த உருளைக் கிழங்கை எடுத்துப் பூசக் கூடாது. அப்படியானால் அதை ஒரு முறை சீவி விட்டு எடுத்துப் பூசுங்கள்.

                     இதற்கு விஞ்ஞான ரீதியில் சரியான காரணத்தைச் சொல்ல முடியாவிட்டாலும் சிறு வயதுகளில் பரவல், பிரசாரணம், அகத்துறிஞ்சல் போன்ற பரிசோதனைகளுக்கு உருளைக்கிழங்கைத் தான் பாவிப்போம். ஏனெனில் அதற்கு அகத்துறிஞ்சும் இயல்பிருக்கிறது. ஆனால் அதன் சாற்றில் ஏதோ மர்மம் இருக்கிறது. இதை நான் அணித்தரமாக உறுதிபடக் கூறுவேன்.

அட அதன் பின் அந்த உருளைக் கிழங்கை என்ன செய்வது என்ற கேட்கிறீர்கள்.. வேறு என்ன வடிவாகக் கழுவிவிட்டு கறியில் போடுங்க. சிலர் இப்படித் தான் சுத்தம சுகம் என்றெல்லாம் சொல்லிக் கொள்ளுவார்கள். எனது கறிக்கு உப்புக் கூடினால் செலவற்ற உடனடித் தீர்வு கட்டுரையில் எவ்வளவு ஆலோசனை பாருங்கள். எனக்கு என் விடுதியில் உள்ள பட்டப் பெயர் என்ன தெரியுமா..? OLD FOOD பார்க்க நல்ல அங்கிலப் பெயர் போல இருக்கிறதா..? ஒரு ரொட்டியை 2 நாள் வைத்துக் கூடச் சாப்பிடுவேன். (சாப்பாட்டு கரைச்சலில் இல்லீங்க எனக்கு இடியப்பம் பிடிக்காது ஒன்று விட்ட ஒரு நாள் தான் ரொட்டி தருவார்கள்). 

                        நாங்கள் என்ன செத்தா போயிட்டம். உண்மையில் எனக்க வருத்தம் வருவதே அரிது சில வேளை அந்தப் பழசுகளால் நோயெதிர்ப்பு சக்தி கூடியிருக்கலாம். ஏதொ உங்களுக்கு ஏற்ற மாதிரி செய்யுங்கள்.

கதையோட கதையா மூட்டையைக் கட்டாமல் ஓட்டைக் குத்திக் கொண்டு போங்க என் அன்புக்கினியவர்களே...